دي عمرها متكون موضه............

الموضوع دة انا عايزة اتكلم فية معاكم

هو عبارة عن الموضة الغريبة اللى نازلة دلوقتى دى

نبتدى بالولاد

فى الاول نتكلم عن لبسهم كل واحد فيهم عايز يقلد تامر حسنى وعمر دياب ومش عارف مين
بس بيقلدوهم بغباء شوية

يعنى مثلا تلاقى الولد ماشى فى الشارع ومسقط البنطلون بطريقة غبية اوى
وكل يوم بيبقى مسقطة اكتر عن اليوم اللى قبلة ههههههههههه
ولما يشوف واحد مسقط البطلون اكتر منة بيتغاظ ويضايق
محسسنى انهم بيعملو مسابقة مين يسقط بنطلونة اكتر
بس طبعا بيبقى منظرهم صعب اوى
انا لما بشوف واحد زى كدة ببقى ماشية مكسوفة فى الشارع

دة بالنسبة للبنطلون
نيجى بقى للبادى او القميص
لو لابس قميص يبقى فاتح نصة

ولو لابس بادى بيلبسة قصير وضيق
والبادى بيبقى مليان ترتر وقلوب وحجات غريبة كدة
او بادى لونة اسود ومليان جماجم (لا يليق بالمسيحية طبعا )

نيجى بقى لتسريحة الشعر بتاعتهم

تلاقى الولد موقفلك شعرة بطريقة غريبة كدة بيبقى محسسنى انة متكهرب قبل لما ينزل (واخد حمام اتنين فولت) هههههههه
او حد خضة قبل لما ينزل

وياسلام بقى لو سابغ اطراف شعرة بلون اصفر او احمر

كدة خلصنا من الولاد

نيجى بقى للبنات
تلاقى البنت لابسة بنطلون بوسط ساقط وضيق موووووووووووووووووت
انا من اعتقداتى ان الناس يتبقى مسكاه وهى تنطلة من الدور العاشر علشان تعرف تلبسة

والبادى تلاقية عند الكامر بتاع البنطلون
ولو البادى طويل حبتين تروح تدخلة فى البنطلون وتلبس حزام عجيب كدة
ولو بقى فكرت تلبس جيبة يالهووووووووووووووووووىبلاش احسن هههههههههههه

نيجى بقى لتسريحة الشعر
تلاقى الواحدة ضاربة شعرها فى الخلاط ونازلة
او مسرحتش شعرها من عشر سنين
وقال اية تقولك دة كيرلى
كيرلى اية ياحجة؟ الكيرلى مش كدة خالص ههههههههههه
انا مستعدة اتبرع لكل واحدة بمشط علشان تسرح شعرها
المشط الواحد ب 2 ونص تقريبا

طبعا الكلام دة مش على كل الناس طبعا
بس الحاجات دى انا بشوفها بعينى
وبتضايق لما بشوف ناس مسيحيين عاملة كدة
لان اى حد لما يشوفهم يقول ادى اولاد المسيح شوفو لابسين اية؟
بجد كدة بيشوهو اسم ربنا وصورتة قدام الناس

وكمان هم بيعملو كدة لية يعنى
تقليد للاجانب؟؟؟؟
ولا علشان الولد يخلى البنات تعجب بية والبنات تخلى الولاد تعجب بيها؟؟؟؟؟

انتم اية رايكم ووجهة نظركم؟؟؟؟؟؟
ياريت تشاركونى فى الموضوع دة

انا رأي ان كلاميك صح الموضة مجنونة الايام دي انا بقي مبحبش اقلد حد ولا تامر ولا عمر انا بخترع موضة خاصة بي و
شعاري
[ندعوك للتسجيل في المنتدى أو التعريف بنفسك لمعاينة هذه الصورة]
Think Different

بس احب اعرفيك الموضة بتعتي عاجبة ناس كتير وفي كتير بيقلدوني وانشاء الله الموضة بتعتي تكتسح العالم -\ يبقي لما مقلدش حد واخترعت موضة خاصة بي هم قلدوني وسابوا تامر والناس دول هههههههههههه

:smile96: :lol!: اللي عاوز موضتي يقلي وانا ابعتوا صورة من موضتي هتعجبوا اوي

بجد رايك ذي العسل يا مينا
ومكدبتش لما قولت عليك اكبر من سنك :egrzcdwa:

انا عماد عضو جديد و على فكرة انا مدير مصنع ملابس حريمى و مسؤال عن التصميمات و السوق مفتوح على جميع الاشكال الى عجبة يشترى و بين الشارررررررررررررررررررررى البااااااااااااااااااااااااااااااااايع يفتح المسيح [ندعوك للتسجيل في المنتدى أو التعريف بنفسك لمعاينة هذه الصورة]