أجمل شعر ممكن تسمعه أو تشوفه

امه كانت و لا بنته
كان بيطعها و هى امته
كان بيامر و لا يطلب
و لا بنظرة بتفهم طبيعته

يا امه و امنا حيرتى عقلنا
كان ربك و الضنى
طب كنتى تصلى لمين ؟؟؟؟؟؟؟
كنتى بتصليله (المقصود بها ربك )
و لا بتصليله (المقصود بها ابنك )
و عنه تحكيله
كان حمل و لا معين

كنتى عارفة اللى فى ضميره
يوم ما همسك طيف عبيره
مصرختيش خوف من مصيره
كان فرحان و لا حزين

كان بيقولك متخافيش
و لا كان بيقول هعيش
و اما كان يغيب ميجيش
كنتى تخافى من الفريسين

كنتى خايفة من الحراس
و لا عارفة انه الخلاص
و اما قالوا اليوم خلاص
قلتى لأ و لا امين

و اما آن بيكى الأوان
و اللى خفتى منه كان
و ظنه فى موته الأمان
مصرختيش ... هو ابن مين ؟؟

كنتى عارفة ايه هيصيبه
و لا سبتيه يقابل نصيبه
و اما عدى ... اما عدى شايل صليبه
كلمك و لا خاف م الجلادين

و اما نصبولوا الصليب
و المسمار كان نار لهيب
و الحربة و الجلد الرهيب
و الشوك المغروس ع الجبين
كان فين ؟؟؟؟؟؟؟؟؟

كان فى راسه و لا قلبك
و اد دمه سال دمع حبك
دا ابنك الميت و ربك
يعنى له و منه الحنين

دة حتى اللى اداهم الأمان
العرج الخرس العميان
الكل كان خواف ... جبان
الكل مسكولوا سكاكين

دة نكره صخرة الجبال
و التانى راح باعه بالمال
مبقاش غير يوحنا ع الشمال
و انتى و اقفة ع اليمين

امه كانت و لا بنته
كان بيطعها وهى امته
طب كان بيامر و لا يطلب
و لا بنظرة بتفهم طبيعته

يا امه و امنا حيرتى عقلنا
كان ربك و الضنى
طب كنتى تصلى لمين ؟؟؟؟؟
كنتى تصليله و لا تصليله
و عنه تحكيله
كان حمل و لا معين

كان بيبكى من الخيانة
ولا من شدة قسانا
و لا من فرحة فدانا
و لا بيكى من الالمات

و لا علشان الكل قسيوا
بعد ما تابوا رجعوا نسيوا
و بعد ما ع الشط رسيوا
غرقوا تانى فى اللى فات

و اما فات من اليوم نهاره
و خلص اللص اللى جاره
و داق من الخل و مراره
كان خلاص بطل آهات

كان صموده للنهاية
احلى من إعجاز و آية
و كان كفاية إن الحكاية
إنه ضحى خلاص و مات

مات ... مات فوقيكى و انتى و اقفة
مات حاميكى و فضلت خايفة ؟؟؟
طب كنتى مغمضة و لا شايفة ؟؟؟
موت حبيب الذكريات

بس حنب دموع المودة
شفت فى عيونك يا عدرا
شوكة طالعة من قلب وردة
يعنى الأمل جنب الضيقات

شوكة الآه و الأنين
شوكة خوف غدر السنين
و وردة يعنى حب و حنين
انه قايم من الأموات

كنتى عارفة انه قايم
كنتى حسباه بس نايم
و انه بعد قيامته دايم
بس راح فى القبر بات

دى حكاية الأم الحنونة
اللى ليها فى قلوبنا اونة
خلفت رب المعونة
بس فضلت ست البنات

اسمعها من هنا
[ندعوك للتسجيل في المنتدى أو التعريف بنفسك لمعاينة هذا الرابط]

شكرا ليكي كتير يا yerma
بس عاوز اوقليك حاجة
لما تيجي تضيفي فديو من المواقع youtube أو dailymotion
دوسي علي الزر دة [ندعوك للتسجيل في المنتدى أو التعريف بنفسك لمعاينة هذه الصورة] وحطي رابط الفديو في المربع وبكدة الفديو يكون مشاهدة مباشرة في المنتدي بدل مايفتح صفحة جديدة
اتمني تكوني فهمتني
ودة شرح لكل حاجة في المنتدي
[ندعوك للتسجيل في المنتدى أو التعريف بنفسك لمعاينة هذا الرابط]
وشكرا لكي تاني

الموضوع الاصلي من منتدي ماري تيم www.MaryTeam.yoo7.com

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]