ممنوع دخول المشرفين؟؟؟؟؟! (ربنا يستر وتعدى المرادى)

ممنوع دخول المشرفين؟؟؟؟؟! (ربنا يستر وتعدى المرادى)

شوفوا يا جماعة
عاوزين نتفق على حاجة

أوعوا حد يقول لحد من المشرفين على الكلام ده ولو عرفوا ابقو افتكرونى بالخير بقى

1-خطيبه مشرف كل لما تتصل بيه تطلعلها رساله مسجله _السرفر مشغول حاليا_حاول في وقت اخر

2-مشرف شغال في المروركل مايشوف عربيه مخالفه يديها تقييم سالب

3-مشرف كتب كتابه في موضوع وعمل الفرح في منتدى التهاني والمناسبات ووزع على المعازيم تقييمات موجبه

4-مشرف متخانق مع مراته عملها حظر

5- مشرف خلف توأم احتفظ بواحد وحط التاني في الارشيف

6-مشرف جتله فاتوره التليفون كبيره عملها تعديل

7-زوجت مشرف نسيت تحط ملح في الاكل ادالها انذار

8-مشرف بيتغزل في خطبته _بيقلها انتي موضوع عمري ........انتي مشاركه حياتي ......انتي كل صلاحياتي

9-مشرف عاوز يخطب عضوه بيقلها ممكن اسجل عندكم في البيت بس ياريت والدك ميتأخرش عليا في رساله التفعيل

10-مشرف عنده حاله نفسيه كل مايكتب موضوع يحذفه

11-مشرف عاوز يعرف حببته بتحبه ولا لآ دخل على المنتدى بدأ يحذف في المواضيع واحد ورى التاني (بتحبني _مبتحبنيش_بتحبني_مبتحبنيش)

12-مشرف موظف في مصلحه حكوميه شرط على كل عضو يكتب مشاركه يحط عليها ورقه دمغه

13-مشرف دخل منتدى القضايا السياسيه قبضو عليه في مظاهره

14- مشرف عاوز يطرد عضو مميزمن المنتدى حط في واحد من مواضيعه حتتين حشيش وبلغ عنه.

15-مشرف مردش على الموضوع ده اختفى في ظروف غامضه

وربنا يستر يارب يارب

من

استر عليااا يارب
وما يكنش اخر يوم ليااا فى المنتدا