الحب الحقيقى و الاعجاب

:sert43: السلام لكم النهاردة جايبة لكم موضوع مهم اوى
هو الفرق بين الحب والاعجاب
اكيد كلنا مرينا بفترة فى حياتنا كنا فاكرين اننا بنحب شخص معين بس بعد فترة بيتضح ان دة كان مجرد اعجاب
او يحصل مثلا انك تعجب بشخص اوى وتسيبة وبعد فترة
يتضح ان هو دة الحب الحقيقى اللى المفروض ندور علية
الاعجاب
هو انك تنجذب او تعجب بصفات معينة فى شخص تعرفة وبتتعامل معاة
او حتى بتشوفة من بعيد
يعنى ممكن تعجبك فية طريقة كلامة او لبسة او تفكيرة او خفة دمة او شخصيتة
يعنى بتشوف مميزاتة فبيحصل عندك شعور قوى بالاعجاب ممكن
يخليك تخلط بين الاعجاب والحب
اللى لازم نعرفة ان الاعجاب بيكون فى مرحلة من مراحل الحب الحقيقى
ولاعجاب ممكن يكون فى حياتنا العامة
يعنى ممكن نعجب بشحصية مشهورة فى المجتمع بالتالى ممكن نعجب باكتر من شخص فى وقت واحد
واحيانا يتوهم الشخص عندما يحس بشعور الاعجاب تجاة شخص اخر ويظل يهتم بهذا الشعور حتى تصل
لمرحلة انك تتخيل اشياء وهمية فى عقلك وتتخذ على اساسها خطوات ليست فى محلها
الحب الحقيقى
هو اجمل احساسممكن تحسة او تعيشة فى حياتك وهو عبارة عن
شعور بتحسة ناحية شخص معين ومابتعرفش اية السبب
لانة غريزة وضعها ربنا فى قلوبنا وبتقدر انك تعبر عنها بحرفين بس
هما ح & ب
وعلشان تتاكد ان حبك دة حقيقى ومش مجرد اعجاب وخلاص
لازم يمر بجميع مراحل الحب الطبيعية
1_الانجذاب العاطفى
ان انت تحس انك منجذب لشخص وحاسس انك بتهتم بية وعايز
تعرف كل اخبارة اكتر من اى حد تانى
2_الاعجاب
وطبعا احنا اتكلمنا علية وعادة هو بيبقى نتيجة للانجذاب العاطفى
3_بداية الحب
تصل الى انك ترى الشخص اللى بتحبة اجمل انسان فى الدنيا
وبيختلط فى هذة الفترة احاسيس تانية بالاضافة للاعجاب
وهى الاشتياق يعنى انك تكون لسة كنت معاة
بس تحاول انك تشوفة تانى وتبقى مش قادر تبعد عنة
وعايزة معاك علطول
هتلاقى فى الفترة دى انك بتحاول تخلط المواقف وبتستنى حتى الصدف
علشان تجمعكوا
عموما يعنى فترة بداية الحب دى بتبقى قمة فى الرومانسية
وبعيدة عن الواقع ومشاكلة وعيوبة
4_الحب الحقيقى
فى المرحلة دى المشاعر بتهدا شوية والواحد بينضج
بيبقى قادر يفكر بعقلة مع قلبة
وهيقدر يشوف حقيقة الشخص اللى بيحبة
يعنى هيشوف مميزاتة وعيوبة
المرحلة دى مليانة بلحظات فرح ولحظات زعل
لانك هتحط ايدك على عيوب الشخص اللى بتحبة ولكن اكيد
من جواك هتعديها
لو حد قدر يمر بالمراحل دى فى حبة ان شاء اللة الحب دة حب حقيقى

على فكرة ممكن انك تكون محظوظ وتلاقى الحب الحقيقى دة
وممكن انك ماتلاقيش الحب الحقيقى دة خالص
ربنا يوفقنا ونلاقى الحب الحقيقى
i love you