صلاة ام الغلابة

صلاة ام الغلابة
يا رب اصبح وابات على دينى....يا رب تهدينى
فقير تغنينى....تغنينى من غناك ورضاك
يا مدبر الليل قبل النهار,دبرنى بحسن تدابيرك
ماليش حيل ولا قوة الا بيك
يا باسط الارض بلا شاش
ورافع السماء بلا عواميد ولا رصاص
وحياة الهيكل وفتحة القداس
تغنينى وترضينى عن سؤال الناس
ياللى قامت نجومك
نامت عيون الناس ما نامت عيونك
الناس قفلت ببانها, ياللى بابك ما اتقفلش
يا بخت اللى طلبك واستجابك
طالب منك سبحة
يسبح بيها قلبى وننزل بيها قبرى
خايف من القبر وحشراتة والدود ونتراتة
ليك ميزان تقيل يوم الموقف العظيم
تقف معايا يا رئيس الملايكةيا ملاك ميخائيل
أمين

ودى صلاة ام الغلابة برضة فى الصبح
صبح الصبح ونور النور يا مدبر كل الامور
دبرنى ساعة بساعة لبسنى توب الطاعة
موتنى موتة هنية على الكأس وعلى الصينية
لا اموت حريق ولا غريق ولا مرمى على الطريق
أمين كيرياليسون